Presidenti francez Emmanuel Macron propozon aktivizimin e mekanizmit evropian të hakmarrjes ekonomike kundër presioneve të Donald Trump për tarifat. Sipas burimeve pranë Pallatit Elize, ai do të jetë gjatë gjithë ditës në kontakt me homologët e tij evropianë për të koordinuar një përgjigje të përbashkët të Bashkimit Evropian ndaj asaj që cilësohet si "kërcënime të papranueshme tarifore" nga presidenti i Shteteve të Bashkuara.
Të njëjtat burime theksojnë se qasja aktuale e Uashingtonit ndaj çështjeve tregtare ngre pikëpyetje serioze mbi vlefshmërinë e marrëveshjes tarifore të arritur mes Bashkimit Evropian dhe SHBA-së gjatë verës së kaluar.
Aktivizimi i këtij mekanizmi nuk kërkon unanimitetin e 27 shteteve anëtare, por miratimin me shumicë të kualifikuar. Mekanizmi i jep BE-së mundësinë të marrë masa si:
• kufizime në projekte investimesh;
• kufizime në pjesëmarrjen e kompanive nga vende të treta në tregjet evropiane të prokurimit publik.