Manchester United ka shprehur interes të fortë për sulmuesin Cole Palmer të Chelsea-së, duke u përgatitur të bëjë një ofertë rekord që mund të kalojë 150 milionë euro.
Sipas raportimeve, drejtuesit e Djajve të Kuq e shohin Palmer-in, 23-vjeçarin e përfaqësuesës angleze, si objektiv kryesor për të forcuar skuadrën. Kjo shifër do të ishte rekord për Premier League, e ngjashme me atë që Liverpool paguajti për Isak nga Newcastle verën e kaluar.
Palmer vetë, para dy javësh në një konferencë shtypi, hodhi poshtë zërat për një kalim në Old Trafford, duke i quajtur ato "lajme të rreme" dhe duke thënë se i vinte për të qeshur. Megjithatë, kjo nuk ka ndikuar në vendimin e Manchester United, që synon ta bindë futbollistin, i cili thuhet se ka pasur pakënaqësi në Londër dhe ndjen mungesë për qytetin e tij të lindjes, Manchester-in.
Për Chelsea-në, Palmer është element kyç i projektit, me kontratë deri në 2033 dhe vlerë tregu 150 milionë euro, së bashku me Caicedo. Klubi londinez nuk ka ndërmend ta lëshojë pa një ofertë superiore ndaj kësaj vlere. Skuadra është 10 pikë larg vendit të pestë, me katër ndeshje të mbetura, dhe kualifikimi në Ligën e Kampioneve duket i pamundur, çka i kushtoi postin trajnerit Liam Rosenior. Edhe prania në Europa League ose Conference League nuk është e sigurt.
Tashmë, Manchester United duhet të negociojë jo vetëm me Chelsea-në, por edhe me vetë Palmer-in, për një nga transferimet më të mëdha të mundshme në sezonin e ardhshëm.