Roberto Mancini po synon rikthimin në krye të kombëtares italiane. Sipas burimeve, strategu është i gatshëm të bëjë sakrificë financiare dhe të pranojë një pagë rreth 2 milionë euro në sezon.
Pas largimit nga posti, Mancini nuk e ka humbur dëshirën për t’u rikthyer te projekti që e çoi Italinë drejt fitores në Euro 2020. Emri i tij mbetet i vlerësuar nga tifozët, ndërsa eksperienca dhe njohja e grupit përbëjnë avantazhe të qarta.
Vendimi përfundimtar i përket presidentit të ri të federatës italiane, i cili do të përcaktojë drejtimin e ardhshëm të ekipit. Përveç Mancinit, për postin kanë shprehur interes edhe Antonio Conte dhe Massimiliano Allegri.
Asnjë vendim zyrtar nuk është marrë ende dhe emrat e kandidatëve të tjerë mund të dalin në vijim.