Federata Mbretërore Belge e Futbollit ka zyrtarizuar emërimin e Marc Van Bommel në postin e selektorit të kombëtares së Belgjikës. Ai zëvendëson në këtë detyrë trajnerin Rudi Garcia.
Në deklaratën e tij të parë pas marrjes së detyrës, Van Bommel e cilësoi këtë si një nder të madh dhe shprehu synimin për të ndërtuar një ekip të disiplinuar dhe ambicioz. Ai vuri theksin te potenciali i lojtarëve belgë dhe u zotua për përkushtim maksimal për të bërë krenarë tifozët e kombëtares.
Ish-futbollisti i klubeve si Bayern Munich, Milan dhe Barcelona, do ta marrë zyrtarisht drejtimin e ekipit më 15 gusht 2026. Marrëveshja e arritur mes palëve siguron shërbimet e trajnerit 49-vjeçar deri në mbyllje të kampionatit evropian Euro 2028.