Mijëra qytetarë nga të gjitha trojet shqiptare u mblodhën në sheshin Skënderbeu në Prishtinë për marshin “Drejtësi, Jo Politikë”, të organizuar nga shoqëria Liria ka Emër. Ky marsh u zhvillua në mbështetje të ish-krerëve të Ushtrisë Çlirimtare të Kosovës, të cilët janë të paraburgosur në Hagë që nga nëntori i 2020-s.
Presidentja e Kosovës, Vjosa Osmani, mori pjesë në këtë marsh, duke u bërë një nga krerët shtetërorë që mbështesin iniciativën.
Familjarët në Hagë
Familjarët e ish-krerëve të UÇK-së u bashkuan në Hagë për të ndjekur drejtpërdrejt marshin përmes transmetimit televiziv. Midis tyre janë vëllezërit dhe nipat e Hashim Thaçit, djali i Jakup Krasniqit si dhe familjarë të tjerë. Ata përcjellin protestën bashkë nga Haga, duke shprehur solidaritet me demonstruesit në Prishtinë.
Përditësime
Elfije Boletini konfirmoi se familjarët e Hashim Thaçit, të birit të Jakup Krasniqit dhe të tjerëve po ndjekin drejtpërdrejt marshin në Prishtinë nga Haga.
Tasholli deklaroi: "Lufta e UÇK-së është çlirimtare dhe nuk mund të zhbëhet kurrë".