Kylian Mbappé po stërvitet në Valdebebas në prag të ndeshjes së parë të fazës 1/8 finale të Ligës së Kampionëve mes Real Madridit dhe Manchester Cityt, e parashikuar për të mërkurën.
Sulmuesi francez, i lënduar në gjurin e majtë, u bashkua me skuadrën pas trajtimit konservativ në Paris, por nuk mori pjesë në stërvitjen me grupin e plotë.
Ai zhvilloi seanca individuale nën mbikëqyrjen e trajnerit Sébastien Devillaz, ndërsa stafi mjekësor vlerëson progresin e tij ditë pas dite.
Sipas burimeve, Mbappé ka shpresa për të qenë i gatshëm për sfidën e parë, nëse seancat e ardhshme nuk shoqërohen me dhimbje të mëdha.
Nëse nuk arrin ta bëjë, klubi e sheh të mundur rikthimin e tij në ndeshjen e kthimit më 17 mars.
Stafi është i kujdesshëm për të shmangur përkeqësimin e gjendjes, duke monitoruar reagimin fizik të lojtarit.
Trajneri Álvaro Arbeloa përballet me sfida të tjera në skuadër.
Álvaro Carreras vazhdon të mungojë për shkak të dëmtimit në viçin e djathtë.
Ndërkaq, Antonio Rüdiger dhe Eduardo Camavinga janë rikthyer plotësisht në stërvitje dhe janë të disponueshëm.
Përditësime
Kylian Mbappé nuk pritet të luajë ndaj Manchester Cityt, pasi nuk rikuperohet në kohë, por mund të rikthehet ndaj Elche këtë fundjavë në La Liga.
Real Madrid konfirmoi se Jude Bellingham, Eder Militao, Rodrygo Goes, Dani Ceballos dhe David Alaba janë të dëmtuar dhe nuk do të jenë të disponueshëm për ndeshjen ndaj Manchester City-t. Lëndimi i Kylian Mbappé-s në gju daton nga dhjetori.
Real Madrid konfirmoi zyrtarisht se Kylian Mbappé, golashënuesi kryesor i tyre këtë sezon, nuk do të luajë ndaj Manchester Cityt dhe do ta ndjekë ndeshjen nga tribuna.