Kylian Mbappé, sulmuesi i Real Madrid, reagoi përmes një postimi në Instagram pas eliminimit nga Bayern Munich në çerekfinale të UEFA Champions League më 16 prill 2026.
Në deklaratën e tij, Mbappé pranon se skuadra provoi deri në minutën e fundit, por kjo nuk mjaftua. “Është zhgënjyes të eliminohesh nga një kompeticion aq i rëndësishëm, por duhet të shohim drejt së ardhmes. Duhet të bëjmë një analizë të sinqertë me veten tonë, në mënyrë që ky lloj zhgënjimi të mos përsëritet më”, shkroi ai.
Mbappé theksoi me vendosmëri identitetin e klubit: “Nuk do të dorëzohemi kurrë. Te Madridi, dështimi nuk ka qenë kurrë një opsion dhe nuk do të jetë asnjëherë. Ju premtoj një gjë: do të kthehemi te fitorja shpejt, shumë shpejt”.
Ky është reagimi i parë i sulmuesit francez pas humbjes, ku ai merr rolin e liderit për të motivuar ekipin. Real Madrid është eliminuar gjithashtu nga Kupa e Mbretit dhe ndodhet 9 pikë pas Barcelona në La Liga, duke rrezikuar sezonin e dytë radhazi pa trofe.
Skuadra madrilene rikthehet në fushë këtë vikend si nikoqire ndaj Deportivo Alavés në Santiago Bernabéu.