Të paktën 3.020 persona janë vrarë në sulmet izraelite në Liban që prej 2 marsit, kur vendi u përfshi në përshkallëzimin e konfliktit. Të dhënat vijnë nga Ministria e Shëndetësisë libaneze.
Ndër viktimat përfshihen 116 punonjës shëndetësorë dhe 211 fëmijë. Numri i të plagosurve ka arritur në 9.273 persona.
Megjithëse një armëpushim i brishtë vazhdon të jetë në fuqi, raportimet tregojnë se përplasjet dhe sulmet në territorin libanez nuk janë ndalur plotësisht. Kjo situatë mban tensionin në nivel të lartë.