Mbretëria e Bashkuar pritet të përjetojë një fenomen të pazakontë të njohur si shi i kuq, sipas paralajmërimeve të ekspertëve evropianë të klimës. Një re pluhuri i kuq nga Sahara po lëviz drejt Evropës dhe do të arrijë mbi Britani, ku do të përzihet me reshjet e vazhdueshme të shiut. Ky kombinim parashikohet t’i japë reshjeve një nuancë të kuqërremtë.
Shkencëtari i lartë i Copernicus Atmosphere Monitoring Service, Mark Parrington, ka bërë të ditur se pluhuri do të kalojë kryesisht mbi jugun e Anglisë dhe në lartësi të mëdha atmosferike. Fenomeni pritet të zgjasë rreth dy orë gjatë pasdites. Pas tharjes së reshjeve, do të mbetet një shtresë e hollë pluhuri mbi makina dhe sipërfaqe të ekspozuara.
Fenomeni buron nga erërat e forta që ngrejnë pluhurin saharian lart në atmosferë. Kur rrjedhat ajrore në shtresat e sipërme fryjnë drejt veriut, grimcat udhëtojnë mijëra kilometra deri në Britani. Shërbimi meteorologjik britanik ka paralajmëruar se reshjet e shumta do të vazhdojnë deri në mes të marsit.
Autoritetet theksojnë se shi i kuq nuk paraqet rrezik për shëndetin dhe është kryesisht vizual.