Komuna e Drenasit ka njoftuar mbylljen përkohëse të urës në segmentin e rrugës Drenas-Shtrubullovë-Krajkovë, në afërsi të varrezave të Drenasit. Kjo masë është marrë për shkak të dëmtimeve serioze që ura ka pësuar nga vërshimet e fundit, të cilat paraqesin rrezik për qarkullimin.
Sipas njoftimit zyrtar, qarkullimi mbi urë ndalohet përkohësisht deri në një njoftim të radhës. Komuna njofton se në ditët në vazhdim do të ndërmarrë të gjitha veprimet e nevojshme për sanimin e dëmeve dhe rikthimin sa më të shpejtë të qarkullimit normal.
Njësitet e Policisë dhe të Zjarrfikësve janë të pranishme në vendngjarje dhe po monitorojnë situatën. Njoftimi shton se qytetarët dhe pjesëmarrësit në trafik lusen të shmangin këtë rrugë dhe të përdorin itinerare alternative deri në sanimin e dëmeve. Komuna e Drenasit i falënderon qytetarët për mirëkuptim.