Komuna e Prishtinës, përmes Drejtorisë së Investimeve Kapitale dhe Menaxhimit të Kontratave, ka njoftuar qytetarët për mbylljen e përkohshme të disa segmenteve rrugore për shkak të zhvillimit të punimeve infrastrukturore.
Punimet në rrugën Afrim Zhitia
Segmenti i rrugës Afrim Zhitia, përkatësisht aksi nga semaforët te Fakulteti Teknik deri te semaforët te Mensa e Studentëve (ana e djathtë në drejtim të konvikteve), është i mbyllur për qarkullim nga data 15 korrik 2026, ora 20:00, deri më 20 korrik 2026, në orën 20:00. Si rrugë alternative për këtë periudhë, qytetarët mund të shfrytëzojnë akset rrugore Xheladin Rekaliu dhe Edmond Hoxha.
Punimet në rrugën Bajram Bahtiri
Në kuadër të projektit "Ndërtimi i rrugës Bajram Bahtiri – Faza II", Komuna e Prishtinës ka njoftuar gjithashtu se rruga Bajram Bahtiri do të mbyllet për qarkullim nga data 20 korrik deri më 11 gusht 2026.
Autoritetet komunale kanë kërkuar mirëkuptimin e pjesëmarrësve në trafik dhe respektimin e sinjalistikës së vendosur në terren, me qëllim zhvillimin e sigurt dhe efikas të punimeve në këto zona.