Mediat sllovake kanë shprehur bindjen se kombëtarja e tyre do ta mposhtë Kosovën në gjysmëfinalen e plejofit për Kupën e Botës 2026, duke iu referuar renditjes së re të FIFA-s.
Renditja e publikuar të hënën nga FIFA tregon se Sllovakia zë vendin e 44-të, ndërsa Kosova atë të 79-të. Të dyja kombëtaret janë ngjitur nga një pozicion krahasuar me renditjen e mëparshme, pavarësisht mungesës së ndeshjeve për Kosovën në nëntor.
Mediumi sllovak sport.sk shkruan: "Renditja flet vetë. Ne duhet ta mposhtim Kosovën". Kjo deklaratë bazohet në dallimin e madh në renditje, ku Sllovakia qëndron shumë më lart.
Ndeshja gjysmëfinale zhvillohet më 26 mars. Nëse Kosova kalon tutje, do të luajë finalen në stadiumin Fadil Vokrri kundër fituesit të çiftit tjetër, Turqi–Rumani.