Giorgia Meloni, kryeministrja italiane, foli nga Etiopia, ku po zhvillohet konferenca Itali-Afrikë, lidhur me deklaratat e homologut gjerman Merz mbi kulturën MAGA (Make America Great Again).
Ajo u përgjigj pyetjeve të gazetarëve: "Jo, do të thoja se nuk i ndaj kritikat e Merz për kulturën MAGA. Këto janë konsiderata politike, secili udhëheqës bën çfarëdo konsiderate që mendon se është e përshtatshme, por kjo nuk është një çështje që shqetëson BE-në".
Meloni shtoi se Evropa duhet të bëjë përpjekje për të forcuar marrëdhëniet me Shtetet e Bashkuara dhe të kujdeset më shumë për veten, veçanërisht në fushën e sigurisë. "E konsideroj të domosdoshme të shfrytëzojmë më shumë atë që na bashkon. Është me rëndësi themelore, veçanërisht për vendet evropiane dhe Italinë", nënvizoi ajo.
Kreu i qeverisë italiane shtoi se "Evropa duhet të punojë, me qëllim që të bëhet përsëri një lojtar i vërtetë gjeopolitik".
Së fundmi, në lidhje me “Këshillin e Paqes në Gaza”, Meloni njoftoi se Italia do të marrë pjesë në këtë iniciativë si vëzhguese.