Mërgim Berisha ka arritur marrëveshje për transferimin e tij nga TSG Hoffenheim te 1. FC Kaiserslautern në Bundesliga 2. Lajmin e ka konfirmuar gazetari Florian Plettenberg nga Sky Sport, duke theksuar se marrëveshja është përfundimtare dhe testi mjekësor zhvillohet sot.
Sulmuesi 27-vjeçar kosovar nuk ka zhvilluar asnjë ndeshje këtë sezon me Hoffenheim-in dhe synon më shumë hapësira loje në skuadrën e re. Kaiserslautern nuk paguan dëmshpërblim, por Hoffenheim ka siguruar një përqindje të lartë nga një shitje e ardhshme e mundshme të Berishës. Berisha vjen si zëvendësues i sulmuesit Ivan Prtajin, i lënduar.
Ditët e fundit, për shërbimet e tij kishin shprehur interes Sturm Graz dhe Lecce, por Kaiserslautern fitoi garën. Në këtë skuadër luan edhe portieri shqiptar i Kombëtares, Simon Simoni.
Pas 20 xhirosh në Bundesliga 2, Kaiserslautern ka grumbulluar 31 pikë dhe synon play-off-in.
Përditësime
1. FC Kaiserslautern zyrtarizoi transferimin e Mërgim Berishës nga Hoffenheim.
- Pas prezantimit, Berisha bëri një deklaratë.
- Berisha do të mbajë numrin 20.