Ehat Miftaraj nga Instituti i Kosovës për Drejtësi (IKD) reagoi ndaj listës së kandidatëve për deputetë të publikuar nga Lëvizja Vetëvendosje (VV) për zgjedhjet e 7 qershorit.
Reagimi erdhi përmes një postimi në profilin e tij në Facebook.
Miftaraj shkroi se lista e VV-së është e mbushur me persona të dënuar për vepra penale dhe të akuzuar për vepra penale të korrupsionit dhe vepra të tjera penale.
Ai vuri në dyshim vullnetin e partisë për të kryer vettingun ose për të miratuar Ligjin për Byronë për Konfiskimin e Pasurisë së Fituar në Menyrë të Kundërligjshme, që do të konfiskonte pasurinë e vjedhur gjatë gati shtatë viteve të qeverisjes.
Sipas tij, opozita duhet ta bëjë epiqendër të fushatës parazgjedhore vettingun, ligjin për Byronë dhe Strategjinë për Parandalimin e Korrupsionit.
Miftaraj theksoi se niveli i korrupsionit reflektohet në pasurinë e deputetëve, ministrave dhe këshilltarëve të VV-së. Në vitin 2020, shumica e tyre kishin deklarimin e pasurisë të zbrazët, ndërsa tani mbi 70% posedojnë shtëpi në lagje të shtrenjta, banesa, lokale, vetura dhe jetë të shtrenjtë.
Postimi përfundon me frazën: "Me hajna nuk bëhet shteti."