Mike Tyson ka deklaruar se po zhvillohen bisedimet për një meç ekzibicional me Floyd Mayweather Jr., të planifikuar për vitin 2026.
Ish-kampioni i peshave të rënda, 59-vjeçari Tyson, ka thënë se “po, po ndodh”, duke konfirmuar zhvillimet. Sipas burimeve, sfida ka filluar nga Mayweather, 48-vjeçari i pensionuar nga boksi profesional në vitin 2017.
Ky meç nuk do të jetë përballje zyrtare profesionale, por ndeshje ekzibicionale. Detajet për datën, vendin dhe kushtet ende nuk janë bërë publike.
Tyson përfundoi karrierën aktive në vitin 2005. Ai u rikthye në vëmendje më 2024 me një meç kundër Jake Paul, ku humbi, por tërhoqi miliona shikues dhe gjeneroi fitime të mëdha.
Mayweather ka zhvilluar tetë ndeshje ekzibicionale pas pensionimit, së fundmi në 2024. Një përballje mes tyre pritet të tërheqë interes të gjerë dhe fitime të larta.
Spekulimet për këtë duel filluan në shtatorin e vitit të kaluar. Tyson është i njohur për stilin agresiv në vitet 1980-1990, ndërsa Mayweather për taktikën inteligjente.
Përditësime
The Ring raporton detaje të reja për meçin ekzibucional Mike Tyson kundër Floyd Mayweather në 2026:
- Data provizoriale: 25 prill në Republikën Demokratike të Kongos.
- Tyson humbi kundër Jake Paul në nëntor 2024 në Teksas (Netflix, vendim unanim).
- Mayweather zhvilloi meçin e fundit në gusht 2024 kundër John Gotti III (pa fitues zyrtar; rekord 50-0, 27 nokaut).