Milani po konsideron mundësinë për t’u ndarë me sulmuesin portugez Rafael Leao gjatë merkatos së verës, nëse arrin një ofertë mes 40 dhe 50 milionë eurove. Klubi kuqezi nuk ka pranuar ende propozime konkrete në këtë nivel dhe nuk dëshiron një largim me çmim të ulët.
Leao është i lidhur me kontratë deri në 2028 dhe përfiton rreth 7 milionë euro në sezon. Interesi për të mbetet i kufizuar, me pista të mundshme në Arabia Saudite, Premier League dhe Barcelona, e cila e ka ndjekur më herët, por nuk shfaq entuziazëm të madh. Emri i tij përmendet edhe si alternativë zëvendësuese për Marcus Rashford, nëse ky i fundit rikthehet te Manchester United.
Ky sezon, Leao ka regjistruar 9 gola dhe 3 asiste, por ka vuajtur nga dëmtimet dhe luhatjet në performancë. Në ndeshjen ndaj Veronës, ai dha një asist për Rabiot, por pjesa tjetër e paraqitjes ishte në nivelin e sezonit të tij. Tifozët e Milanit kanë shprehur pakënaqësi me fërshëllime në San Siro.
Trajneri Allegri po mundohet ta menaxhojë Leao-në në aspektin teknik dhe njerëzor. Milani nuk dëshiron ta lërë të lirë lehtësisht, duke qenë se ai ka qenë i rëndësishëm në vitet e fundit. Botërori me Portugalinë shihet si mundësi për rilindje, pas së cilës klubi do të vlerësojë nëse i jep një shans tjetër apo pranon ofertat e mundshme.