Milani kërkon një qendërsulmues të ri rreth të cilit do të ndërtojë sulmin e ardhshëm. Kërkimi vazhdon pas mbylljes së çështjes Mateta dhe pasigurisë për të ardhmen e Niclas Fullkrug-ut, i cili ka pasur 10 paraqitje me vetëm 291 minuta, 1 gol dhe gjendje fizike të dobët.
Klubi italian e kupton nevojën për një figurë kyçe që të lehtësojë presionin mbi Rafael Leao-n dhe Christian Pulisic-in para portës së kundërshtarit. Trajneri Massimiliano Allegri kërkon një pikë referimi në sulm.
Guirassy në pozicionin kryesor
Sipas La Gazzetta dello Sport, Serhou Guirassy është emri që bie mbi të tjerët. Interesi është ringjallur që nga koha e tij te Stuttgart-i dhe tani te Borussia Dortmund. Sulmuesi ka komunikuar dëshirën për të provuar një aventurë tjetër jashtë Bundesligës. Klauzola e lirimit është 70 milionë euro, por klubi gjerman e di se askush nuk është i gatshëm ta paguajë plotësisht për shkak të moshës dhe vullnetit të lojtarit.
Alternativat nga Arabia Saudite dhe Premier League
Opsionet nuk mungojnë.
- Mateo Retegui, ish-lojtar i Atalantës, u tentua nga Milani para se të pranonte ofertën e Al Qadsiah-it.
- Darwin Nunez, jashtë planeve të Simone Inzaghi-s tek Al Hilal, është gati për kthim në Evropë, por drejtorët Igli Tare dhe Furlani nuk e konsiderojnë të intereshëm për momentin.
- Nicolas Jackson, i vlerësuar më parë, nuk do të blihet nga Bayern Munich për shkak të çmimit 67 milionë euro të kërkuar nga Chelsea. Ai do të kthehet në Premier League nga huazimi dhe kërkon ekip të ri.