Ministri për Evropën dhe Punët e Jashtme, Ferit Hoxha, zhvilloi një takim me komisioneren për Zgjerimin e Bashkimit Europian, Marta Kos, në Forumin Ekonomik të Delfit në Greqi, më 24 prill 2026.
Në një postim në platformën X, Hoxha u shpreh se "procesi i anëtarësimit në Bashkimin Europian nuk njeh pauzë dhe as nuk pranon pushim". Ai theksoi se zhvillimet intensive kërkojnë punë të pandërprerë dhe energji të vazhdueshme, para së gjithash nga institucionet shqiptare, por edhe nga partnerët ndërkombëtarë të angazhuar në vijën e parë.
Duke shfrytëzuar praninë në forum, ministri zhvilloi takimin me Marta Kos. Palët diskutuan dhe koordinuan shumë çështje në funksion të avancimit të qëndrueshëm të procesit të integrimit europian të Shqipërisë.