Ministria e Industrisë, Ndërmarrësisë, Tregtisë dhe Inovacionit ka publikuar listën e re të çmimeve maksimale të lejuara për shitjen e derivateve të naftës në tregun e Kosovës.
Çmimet e caktuara për 19 maj 2026 janë si më poshtë: nafta (dizel) 1.62 euro për litër, benzina 1.53 euro për litër dhe gasi 0.75 euro për litër. Këto çmime hyjnë në fuqi nga ora 10:00 e paradites së sotme dhe do të zbatohen për 24 orët e ardhshme.
Sipas vendimit, nafta shënon rritje prej 2 centësh, benzina prej 3 centësh, ndërsa gasi ka rënë me 3 centë krahasuar me ditët e kaluara. Ministria u ka bërë thirrje qytetarëve që të raportojnë çdo tejkalim të çmimeve tavan ose parregullsi tjetër tek Departamenti për Mbrojtjen e Konsumatorit, nëpërmjet emailit zyrtar ose në numrin pa pagesë 0800 11000.