Pas vrasjes së 20-vjeçarit Johan Zuko në Korçë, ka reaguar Mitropoliti Anastas, i cili dënoi ashpër këtë ngjarje të rëndë. Në mesazhin e tij, ai theksoi se jeta njerëzore është një dhuratë e shenjtë dhe se asnjë konflikt apo zemërim nuk mund të shërbejë si justifikim për marrjen e jetës së një njeriu.
Duke iu referuar moshës së përfshirë në këtë krim, Mitropoliti u shpreh se "kur një i ri vret një të ri, shoqëria qan për të dy".
Në lidhje me rrethanat e ngjarjes, autoritetet policore kanë identifikuar si autor të dyshuar Kristjan Sterjon, i cili është larguar menjëherë pas krimit. Forcat e Policisë janë angazhuar në kontrolle të vazhdueshme në disa zona të Korçës me qëllim lokalizimin dhe vënien para përgjegjësisë ligjore të të dyshuarit.