Ish-deputetja e PDK-së, Ganimete Musliu, ka bërë të ditur se njësia NJSO ka përfunduar në Skënderaj pas një urdhëri të rremë. Sipas saj, policëve u ishte thënë se po shkonin për një aksion në veri të vendit, ndërsa gjatë rrugës kuptuan se destinacioni ishte Skënderaj.
Musliu ka thënë se kjo çështje duhet të shqyrtohet nga Prokuroria e Shtetit. Ajo ka përmendur presion të madh mbi strukturën komanduese të policisë në Mitrovicë dhe njësitë speciale nga ministri Xhelal Sveçla. Gjithashtu ka përshkruar Hysni Mehanin si një figurë të vogël në këtë ngjarje dhe ka lavdëruar policët për rezistencë, qetësi dhe profesionalizëm.
Ngjarja lidhet me incidentin që ndodhi të enjten ndërmjet Sami Lushtakut dhe Hysni Mehanit.