Çmimi i naftës në Kosovë ka arritur 1.91 euro për litër më 5 prill 2026.
Ehat Miftaraj nga Instituti Kosovar për Drejtësi ka reaguar në një postim në Facebook, duke kritikuar pushtetin për mungesë ndjeshmërie ndaj shtrenjtimit të derivateve. Ai tha se pushteti "as që e kupton" peshën e këtij çmimi, ngase zyrtarët udhëtojnë me makina zyrtare "pa lekë".
Miftaraj ironizoi se "nafta 1 euro e 91 cent mbase nuk është dhe shumë shtrenjtë", duke theksuar se zyrtarët e lartë nuk e ndiejnë koston drejtpërdrejt. Ai pyeti nëse Mimoza Kusari-Lila, Albin Kurti, ministrat, zëvendësministrat dhe këshilltarët qeveritarë udhëtojnë me vetura private apo zyrtare.
Sipas tij, kjo situatë krijon një hendek midis zyrtarëve dhe qytetarëve, të cilët përballen me barrën ekonomike të çmimeve të larta.