Arbërie Nagavci, shefja e Grupit Parlamentar të Lëvizjes Vetëvendosje, u deklarua para mediave para fillimit të seancës plenare në Kuvend.
Ajo foli për çështjen e zgjedhjes së presidentit dhe tha se takimet për këtë do të vazhdojnë. “Kryeministri sot ka një prezantim, është në Londër siç jeni në njohuri, ndërkohë që besoj që edhe gjatë fundjavës por edhe shumë shpejtë do të vazhdojmë me takime”, deklaroi ajo.
Nagavci u ndal edhe te marrëveshja e Bordit të Paqes, e cila nuk është sjellë ende në Kuvend për ratifikim. Ajo shprehu bindjen se gjatë javës së ardhshme kjo marrëveshje do të diskutohet në komisionin përkatës dhe më pas do të sillet në Kuvend për miratim.
“Besoj që gjatë javës së ardhshme, me sa e di Komisioni do ta shqyrtojë në fillim të javës së ardhshme dhe sapo të shqyrtohet në komisionin funksional do të vij në Kuvend dhe do ta votojmë”, shtoi ajo.