Naim Murseli, njëri prej të akuzuarve për vrasjen e Liridona Ademajt më 29 nëntor 2023, ka kërkuar të takohet me fëmijët e tij dhe biznesmenin Behgjet Pacollin.
Gjykata i është përgjigjur se kërkesa për fëmijët është në pritje të përgjigjes nga autoritetet suedeze. Ndërsa për takimin me Pacollin, gjykata ka njoftuar se një komunikim i tillë nuk lejohet, pasi hyn në kategorinë e personave të ndaluar nga ligji.
Sipas gjykatës: «Kemi kontaktuar me autoritetet suedeze, jam në pritje të përgjigjes së tyre. Ndërsa për kërkesën që keni bërë për të komunikuar me Behgjet Pacollin, ajo është kërkesë që nuk lejohet sepse hyn në kategorinë e personave që nuk e lejon ligji».
Nuk dihet ende arsyeja e saktë e kërkesës së Murselit për takimin me Pacollin, por mësohet se ai ka qenë këshilltar i tij gjatë periudhës kur Pacolli ishte Ministër i Punëve të Jashtme në vitin 2017.
Për vrasjen e Liridona Ademajt akuzohen tre persona:
- Naim Murseli, bashkëshorti i viktimës dhe i dyshuari kryesor si porositës;
- Granit Pllana;
- Kushtrim Kokalla.
Përditësime
Seanca gjyqësore po zhvillohet. Naim Murseli po i përgjigjet pyetjeve të prokurorisë dhe ka bërë të ditur kërkesën për takime me fëmijët dhe Behgjet Pacollin.