Arlinda Tomçini, mjeke psikiatre me gradën Kapitene Dr., ka ndarë jetën në moshën 49-vjeçare. Lajmin e ka bërë të ditur Spitali Universitar i Traumës në Tiranë.
Spitali shprehu dhimbjen për ndarjen e parakohshme nga jeta të mjekes, e cila shërbeu prej 10 vitesh me përkushtim, profesionalizëm dhe humanizëm në këtë institucion, si pjesë e Njësive Mjekësore Ushtarake.
Në njoftimin zyrtar thuhet se Arlinda Tomçini dha kontribut të çmuar në shërbimin ndaj pacientëve dhe në punën ekipore me kolegët. Humbja konsiderohet e madhe për familjen, komunitetin mjekësor dhe spitalin.
Institucioni u shpreh ngushëllimet familjes, të afërmve dhe kolegëve. Kujtimi i vlerave njerëzore dhe profesionale të saj do të mbetet gjithmonë pjesë e Spitalit Universitar i Traumës.