Për shkak të një rrjedhjeje në gypin me diametër Fi 90 mm, Kompania Rajonale e Ujësjellësit “Prishtina” ka ndërprerë furnizimin me ujë në rrugën “Ferid Curri” në kryeqytet. Ndërprerja ka filluar nga ora 18:00 e datës 30 gusht 2026. Sipas njoftimit zyrtar, intervenimi është vlerësuar si i komplikuar për shkak të kushteve në terren, gjë që ka pamundësuar përfundimin e riparimit brenda mbrëmjes.
Punimet për sanimin e defektit dhe rikthimin e furnizimit me ujë pritet të vazhdojnë gjatë ditës së nesërme, më 31 gusht 2026. Zonat që preken nga ky defekt janë:
• Rruga “Ferid Curri” (në lagjen ‘Arbëria’)
• Rruga “Spiro Mosiu”
• Rruga “Zahide Jashari”
• Një pjesë e rrugëve përreth zonës së “Ferid Currit”
Ekipet teknike janë në terren dhe kanë bërë të ditur se do të angazhohen për ta përfunduar ndërhyrjen në një afat sa më të shkurtër të mundshëm.