Kryeministri i Izraelit, Benjamin Netanyahu, po planifikon një vizitë në Washington për t’u takuar me presidentin amerikan, Donald Trump. Takimi vjen pas një bisede telefonike të zhvilluar mes dy liderëve të premten në mbrëmje, ku ranë dakord për organizimin e një takimi në të ardhmen e afërt.
Sipas raportimeve, në qendër të bisedimeve do të jetë kërkimi i një marrëveshjeje të re sigurie midis SHBA-së dhe Izraelit. Marrëveshja aktuale, përmes së cilës Izraeli përfiton 3.8 miliardë dollarë në vit për ndihmë ushtarake, skadon në vitin 2028. Përveç sigurisë, axhenda pritet të përfshijë programin bërthamor të Iranit dhe përpjekjet për normalizimin e marrëdhënieve mes Izraelit dhe Arabisë Saudite.
Normalizimi me Arabinë Saudite mbetet një përparësi për administratën e presidentit Trump. Megjithatë, autoritetet në Riad kanë theksuar vazhdimisht se nuk do të ndërmarrin hapa drejt normalizimit pa një rrugë të qartë dhe të besueshme për krijimin e një shteti palestinez.
Ky do të jetë takimi i parë personal mes Netanyahut dhe Trumpit që nga përfundimi i konfliktit të fundit mes Izraelit dhe Iranit.
Përditësime
Zyra e kryeministrit izraelit, Benjamin Netanyahu, konfirmoi se vizita e tij në Uashington dhe takimi me ish-presidentin Donald Trump do të zhvillohen më 13 korrik.