Benjamin Netanyahu, kryeministër i Izraelit, zhvilloi një bisedë telefonike me Donald Trump, president i SHBA-së, më 28 shkurt 2026. Biseda ndodhi pas sulmeve ushtarake ndaj Iranit, të cilat disa burime i cilësojnë si të përbashkëta nga Izraeli dhe SHBA-ja.
Zyra e kryeministrit izraelit njoftoi për bisedën përmes një postimi në rrjetet sociale, ku publikoi një fotografi të Netanyahu-s duke folur në telefon. Në foto, ai shfaqet ulur në një tavolinë pune, pranë librit “Aleatët në Luftë” nga historiani britanik Tim Bouverie. Ky libër trajton marrëdhëniet mes fuqive aleate gjatë Luftës së Dytë Botërore.
Në të njëjtën pamje dallohet një hartë e madhe e Lindjes së Mesme. Postimi shoqërohej me mbishkrimin në hebraisht: "Kryeministri Benjamin Netanyahu në bisedën e tij me presidentin e SHBA-së **Donald Trump".
Sipas njoftimeve zyrtare, biseda u zhvillua në kuadër të zhvillimeve të fundit ushtarake në rajon. Megjithatë, nuk u dhanë detaje specifike mbi përmbajtjen e saj apo diskutime për koordinim të hapave të mëtejshëm.
Përditësime
Shtëpia e Bardhë konfirmoi bisedën telefonike midis Donald Trump-it dhe Benjamin Netanyahu-së mbi sulmet ndaj Iranit.
Trump e cilësoi bisedën si "e shkëlqyer" dhe tha se të dy ishin "në të njëjtën gjatësi vale". Ai deklaroi se mund ta zgjidhë konfliktin brenda 2-3 ditësh.
Netanyahu tha se ka "tregues të mëdhenj" se udhëheqësi suprem iranian Ali Khamenei "ka vdekur" dhe u thirri iranianëve të revoltëohen.
Trump zhvilloi biseda me udhëheqësit e Arabisë Saudite, Katarit, EAU-së dhe sekretarin e përgjithshëm të NATO-s, Mark Rutte.
- Sulme të reja ndaj bazave në Bahrein, Katar dhe EAU.
- Hakmarrje iraniane ndaj bazave amerikane.