Skënder Hita u zgjodh drejtor i Përgjithshëm i Policisë së Shtetit nga mazhoranca. Menjëherë pas kësaj, Sali Berisha, kryetar i PD, e cilësoi atë të lidhur me krimin e organizuar.
Në një intervistë për Report TV, gazetari Ermal Qori kërkoi komentin e avokatit Spartak Ngjela për deklaratën e Berishës. Ngjela u përgjigj se Berisha nuk flet kurrë me fakte, por kërkon të njollosë figura të ndryshme me akuza të paprovuara.
Ai refuzoi të vazhdojë temën: "Me Saliun do merrem unë ore? Ku flet ai me fakte ore? Keni ndonjë pyetje tjetër? Atë e ka zgjedhur mazhoranca e shtetit ore. Hajde vazhdoni, nuk merrem unë me broçkullat e Saliut. Nuk mund ta njollosë dot Saliu sepse është non grata në Amerikë dhe në BE".
Më tej, Ngjela shtoi: "Keni ndonjë pyetje jashtë kësaj partie? Ç’punë kam unë ç’ zgjedh një parti ore? Opozitë nuk ka as sot, sepse nuk ka vota. Ore zotëri, duhet t’i qëndrosh strikt kërkesës sime, nuk flas unë për parti politike. Politikë është kur flasim për kryeministrin dhe kompani ore".
Ngjela nuk pranoi të flasë më për Berishën dhe intervista kaloi te tema të tjera.