Kombëtarja e Norvegjisë ka arritur një sukses historik duke siguruar kalimin në fazën tjetër të Kupës së Botës, pasi regjistroi fitoren e dytë radhazi në fazën e grupeve. Skuadra e drejtuar nga trajneri Ståle Solbakken fitoi me rezultatin 3-2 ndaj Senegalit në një sfidë me ritëm të lartë.
Zhbllokimi i rezultatit erdhi në minutën e 43-të, kur Marcus Pedersen shënoi pas një gabimi të mbrojtësit Kalidou Koulibaly. Menjëherë pas fillimit të pjesës së dytë, në minutën e 48-të, Erling Haaland dyfishoi epërsinë pas një asistimi nga kapiteni Martin Ødegaard. Ndonëse Ismaïla Sarr ngushtoi diferencën për Senegalin në minutën e 54-të pas asistimit nga Sadio Mané, Haaland shënoi golin e tij të dytë personal pesë minuta më vonë, duke e çuar rezultatin në 3-1 pas një krosimi nga Patrick Berg. Sarr realizoi golin e dytë për afrikanët në minutat shtesë, por kjo nuk ndryshoi rrjedhën e ndeshjes.
Me këtë fitore, Norvegjia konfirmohet si një nga skuadrat që ka siguruar kualifikimin, duke mbajtur gjallë shpresat për kreun e Grupit I. Ndeshjen e fundit, norvegjezët do ta zhvillojnë kundër Francës, ndërsa Senegali do të përballet me Irakun për të shpresuar në një kualifikim si një nga ekipet më të mira të renditura në vendin e tretë.
Përditësime
Norvegjia është kualifikuar në Kupën e Botës pas një mungese 28-vjeçare, duke siguruar vendin së bashku me Francën, të dyja me nga 6 pikë. Pas fitores ndaj Senegalit në stadiumin 'Nju Jork Nju Xhersi', Norvegjia konfirmoi kalimin në fazën tjetër. Në qendër të suksesit, sulmuesi Erling Haaland kryeson garën për Këpucën e Artë me 4 gola në 2 ndeshje. Sfida e radhës ndaj Francës është planifikuar për më 26 qershor në Boston.