Mike Maignan, portieri francez i Milanit, konsiderohet portieri më vendimtar në Serie A sipas të dhënave të Opta.
Në 20 javë të kampionatit, ai ka pësuar vetëm 16 gola, përballë 23.7 gola të pritshëm sipas treguesit expected goals on target conceded. Ky tregues llogarit probabilitetin që një goditje në portë të bëhet gol, duke marrë parasysh pozicionin, fuqinë, këndin dhe zonën e goditjes.
Diferenca prej 7.7 gola të shpëtuar nënvizon kontributin e tij përmes pritjeve vendimtare dhe reflekseve të mira, duke konfirmuar rolin si pikë e fortë për Milanin këtë sezon.