Presidentja Vjosa Osmani organizoi pritje me rastin e largimit nga detyra e saj më mbrëmjen e 2 prillit 2026.
Ndër të ftuarit ishte Eva Palatova, ushtruesja e detyrës së shefës së Zyrës së Bashkimit Europian në Kosovë. Në një postim të Zyrës së BE-së në Kosovë, thuhet se Palatova pati nderin të merrte pjesë në këtë pritje dhe ta falënderonte Osmanin për bashkëpunimin e saj gjatë viteve.
Palatova deklaroi: “Si partneri më i besueshëm i Kosovës, BE mbetet i përkushtuar për të mbështetur Kosovën në rrugën e saj të integrimit në BE”.
Ngjarja shënon fundin e mandatit të Osmanit dhe u konsiderua si moment diplomatik, ku u bashkuan përfaqësues vendorë dhe ndërkombëtarë për të nderuar punën e saj institucionale. Zyra e BE-së e përshkroi bashkëpunimin me presidenten si të frytshëm dhe konstruktiv.