Gjatë mbrëmjes së të premtes, autoritetet e Policisë së Kosovës kanë ndaluar në pikën kufitare të Bërnjakut një shtetas të Serbisë, i cili dyshohet për tentativë të kalimit të paligjshëm të kufirit.
Sipas njoftimit zyrtar, i dyshuari po drejtonte një automjet me targa të Serbisë, në të cilin kishte të ngarkuara pajisje elektronike. Ai dyshohet se kishte për qëllim të dërgonte mallin në mënyrë ilegale nga Kosova për në Serbi, duke shfrytëzuar rrugë të paautorizuara për kalimin e kufirit midis Republikës së Kosovës dhe Serbisë.
Pas identifikimit të rastit, pajisjet elektronike janë konfiskuar nga autoritetet policore. I dyshuari, pas kryerjes së veprimeve hetimore, është lënë i lirë, ndërsa çështja do të procedohet në rrugë të rregullt ligjore.