Ditën e diel vendi ynë do të ndikohet nga kushte atmosferike relativisht të paqëndrueshme. Moti parashikohet me kthjellime si dhe alternime vranësirash mesatare dhe hera-herës deri të dendura, këto të fundit më të theksuara përgjatë relieveve malore në lindje të territorit.
Reshjet e shiut pritet të jenë të pranishme në orët e para të ditës deri në mesditë në pjesën më të madhe të territorit me intensitet të ulët, ndërsa lokalisht në veri e qendër reshjet parashikohen në formën e shtrëngatave afatshkurtra. Pas orëve të mesditës reshjet e shiut pritet të lokalizohen vetëm në relievet malore në veri e lindje me intensitet të ulët dhe në mënyrë të izoluar.
Era do të fryjë me drejtim nga kuadrati i perëndimit me shpejtësi mesatare 7 m/s, e cila përgjatë vijës bregdetare, zonave luginore dhe në momentin e zhvillimit të vranësirave pritet të fitojë shpejtësi deri në 17 m/s. Valëzimi në detet Adriatik dhe Jon pritet të jetë i forcës 3-4 ballë.
Përditësime
Parashikimi i motit për 18 maj 2026 parashikon reshje të izoluara gjatë mesditës dhe pasdites. Shpejtësia mesatare e erës arrin 6 m/s me maksimum 10 m/s. Valëzimi në Adriatik dhe Jon mbetet 1-2 ballë.