Të dielën, më 25 tetor 2026, territori shqiptar do të ndikohet nga kalimi i masave ajrore relativisht më të freskëta dhe të lagështa me origjinë veriore. Moti do të karakterizohet nga alternime kthjellimesh dhe vranësirash mesatare, më të dukshme në zonat malore dhe në veri e verilindje të vendit.
Gjatë mbrëmjes dhe natës, vranësirat pritet të dendësohen, duke krijuar mundësi për reshje shiu të izoluara dhe afatshkurtra, kryesisht në zonat e larta malore.
Temperaturat pritet të pësojnë rënie të lehtë si në vlerat minimale, ashtu edhe në ato maksimale:
- Në zonat malore, minimalet do të zbresin në 5–6°C, ndërsa maksimalet nuk do të kalojnë 21°C.
- Në zonat e ulëta, temperaturat do të luhaten nga 9°C në mëngjes deri në 24–25°C në mesditë.
- Në zonat bregdetare, minimalet do të jenë rreth 13°C, ndërsa maksimalet do të arrijnë deri në 24°C.
Era do të fryjë kryesisht nga verilindja dhe veriperëndimi, me shpejtësi mesatare 2–7 m/s. Përgjatë vijës bregdetare dhe në zonat e larta malore, herë pas here mund të ketë rrahje më të forta. Valëzimi në dete parashikohet të jetë i ulët deri mesatar, në nivelin 2–3 ballë.