E enjte, 30 prilli 2026, do të karakterizohet nga kushte të paqëndrueshme atmosferike në të gjithë vendin. Sipas parashikimeve, reshjet e shiut do të jenë të pranishme pothuajse në të gjitha qarqet, me intensitet të ndryshëm.
Në qarqet Kukës, Dibër dhe Durrës priten reshje të dobëta deri lokalisht mesatare, të shoqëruara herë pas here me shtrëngata. Në qarqet e tjera, ato do të jenë kryesisht të dobëta.
Në zonat verilindore, veçanërisht në lartësitë mbi 1000 metra mbi nivelin e detit, reshjet pritet të marrin formën e dëborës, duke rikthyer përkohësisht karakteristika dimërore.
Sa i përket temperaturave, ato do të mbeten relativisht të freskëta. Në zonat bregdetare, do të luhaten nga 12 deri në 17°C. Në zonat e ulëta, minimale do të zbresin në 9°C, ndërsa maksimalet do të arrijnë 18°C. Në zonat malore, temperaturat do të varijnë nga 4 deri në 15°C.
Era në zonat bregdetare do të forcohet, duke arritur intensitet mesatar deri të fortë.