Sipas njoftimit të Shërbimit Meteorologjik Ushtarak, dita e premte, 11 shtator 2026, do të vijojë të jetë nën ndikimin e masave ajrore relativisht të paqëndrueshme. Gjatë orëve të paradites do të ketë kthjellime, ndërsa vranësirat do të zhvillohen më tepër gjatë mesditës. Përgjatë relieveve malore në lindje dhe juglindje të vendit, parashikohen reshje shiu me intensitet të ulët dhe karakter lokal.
Era do të fryjë kryesisht nga kuadrati i jugut, me shpejtësi mesatare prej 7 m/s. Përgjatë vijës bregdetare dhe në zonat luginore, shpejtësia e erës pritet të arrijë deri në 10 m/s. Ndërkohë, valëzimi në detet Adriatik dhe Jon parashikohet të jetë i forcës 1-2 ballë.