Për ditën e premte, 5 qershor, territori i vendit do të mbizotërohet nga kushte atmosferike të qëndrueshme. Në pjesën e parë të ditës, parashikohen kthjellime dhe alternime të herëpashershme të vranësirave, kryesisht të karakterit mesatar. Pas orëve të mesditës, pritet përmirësim i kushteve, ku do të mbizotërojë moti i kthjellët.
Era do të fryjë me drejtim juglindje – jugperëndim, me një shpejtësi mesatare prej 6 m/s. Për sa i përket situatës detare, valëzimi në detet Adriatik dhe Jon do të jetë i forcës 2-4 ballë.