Këtë të diel, 1 shkurt 2026, Shqipëria do të vijojë të ndikohet nga kushte atmosferike të paqëndrueshme. Moti parashikohet me vranësira mesatare deri të dendura, të shoqëruara me alternime të herëpashershme kthjellimesh.
Reshjet e shiut do të jenë të herëpashershme dhe me intensitet të ulët që në orët e para të ditës deri në mëngjes. Ato fillimisht në jug të vendit dhe gradualisht shtrihen në pjesën tjetër të territorit. Lokalisht, reshje shiu hera-herës në formën e shtrëngatave afatshkurtra gjatë mesditës dhe pasdites, ku reshjet me intensitet të ulët lokalizohen në veri dhe pjesërisht në relievet malore të juglindjes. Në orët e mbrëmjes, reshjet e shiut ndërpriten në të gjithë vendin.
Në lartësitë mbi 900-1000 metra në verilindje-juglindje priten reshje bore me intensitet të ulët dhe lokalisht deri mesatar, kryesisht në juglindje.
Era fryn me drejtim nga verilindje-lindje me shpejtësi mesatare 8 m/s. Përgjatë vijës bregdetare dhe në zonat luginore, shpejtësia e erës arrin deri në 17 m/s.
Valëzimi në det parashikohet i forcës 2-3 ballë.
Temperaturat maksimale do të arrijnë deri në 14°C, ndërsa minimalet zbresin në 1°C në rang territor.
Përditësime
Për të hënën parashikohet vranësira dhe kthjellime kryesisht në ultësirat perëndimore dhe jugore.
• Reshje të dobëta natën dhe mëngjesin.
• Shtrëngata në zonat qendrore pasdite.
• Borë mbi 900-1000 m në veri, verilindje dhe juglindje.
Era verilindje-jugperëndim, mesatare 6 m/s, deri 10 m/s në bregdet dhe lugina.
Valëzimi 1-2 ballë, më i ulët se 2-3 ballë të dielën.
Përditësimi i parashikimit të motit për të dielën:
- Erë nga juglindje-jugperëndim, mesatarisht 7 m/s (deri 15 m/s në male, lugina, bregdet).
- Valëzim në det: 2-4 ballë.
- Shtrëngata mesatare lokalisht në zonën perëndimore.
- Borë e lehtë në relievet malore.