Lionel Messi, legjenda 38-vjeçare argjentinase, ka vendosur të rikthehet në FC Barcelona, sipas gazetës Marca. Rikthimi parashikohet pas periudhës në MLS dhe Kupës së Botës, ndonëse detajet e kohës dhe rolit ende nuk janë të qarta.
Messi u largua nga Barça në vitin 2021 me lot, për shkak të problemeve financiare të klubit. Pas kësaj, ai vazhdoi te PSG dhe tani te Inter Miami, ku po shkëlqen në MLS.
Ylli argjentinas ka vendosur të qëndrojë neutral para zgjedhjeve presidenciale të Barcelonës më 15 mars, duke shmangur çdo përfshirje politike. Ai ka refuzuar afrimet e presidentit aktual Joan Laporta, për shkak të premtimeve të pambajtura në të kaluarën.
Sipas burimeve, në mendjen e Messit plani është i qartë: rikthimi në Barcelonë do të ndodhë herët a vonë.