Partia Demokratike do të zhvillojë protestën kombëtare të së shtunës, më 24 janar, në orën 17:00 para Kryeministrisë. Ora u vendos gjatë mbledhjes që kryedemokrati Sali Berisha zhvilloi me drejtuesit politikë dhe koordinatorët e qarqeve të partisë.
Kjo protestë vjen pas asaj të 22 dhjetorit të vitit të kaluar, ku morën pjesë mijëra qytetarë. Përveç tubimeve kombëtare, Partia Demokratike ka zhvilluar edhe protesta më të vogla para Kryeministrisë, të njohura si "foltore", çdo të hënë.
Opozita, me Sali Berishën në krye, kërkon rrëzimin e qeverisë së kryeministrit Edi Rama dhe krijimin e një qeverie teknike për të përgatitur zgjedhje të parakohshme parlamentare. Kjo është protesta e dytë kombëtare e Partisë Demokratike që prej zgjedhjeve të 11 majit, të cilat opozita i konteston.
Përditësime
PD kërkon largimin e Edi Rama-s dhe Taulant Balluku-s. Foltooret e çdo të hënës lidhen me skandalin e përgjimeve nga dosja Balluku në SPAK.
- Kërkesa shpallet gjatë protestës kombëtare të 24 janarit në orën 17:00.
- Skandali bazohet në dosjen e sekuestruar nga SPAK.