Partia Demokratike po zhvillon këtë të shtunë procesin zgjedhor për anëtarët e rinj të Këshillit Kombëtar. Ky organ vendimmarrës do të plotësohet pas votimit nga delegatët, të cilët po përzgjedhin përfaqësuesit mes një liste të gjerë kandidatësh, ku përfshihen figura me përvojë, ish-deputetë, drejtues të grupseksioneve dhe prurje të reja.
Struktura e listës është e organizuar në grupe për të siguruar përfaqësim gjinor dhe grupmoshash, sipas kuotave të përcaktuara nga statuti i partisë. Mes kandidatëve bien në sy figura të njohura në publik, si reperi Arkimed Lushaj (Stresi) dhe tenori Armaldo Kllogjeri. Gjithashtu, në listë ndodhen trashëgimtarë të figurave historike të partisë, si Fiona Nishani (vajza e ish-presidentit Bujar Nishani), Glauk Olldashi (djali i Sokol Olldashit) dhe Azem Hajdari (djali i liderit të lëvizjes studentore).
Në total, gara është e ndarë në:
• 260 kandidatë në listën e burrave.
• 122 kandidate në listën e grave.
• 75 kandidatë në listën e të rinjve.