Ariana Musliu-Shoshi, deputete e PDK-së, ngriti çështjen e hartimit të një strategjie institucionale për qasjen ndaj çështjes së Hagës gjatë konstituimit të Komisionit për Punë të Jashtme dhe Diasporë. Në mbledhje u miratuan plani i punës dhe fushëveprimi i Komisionit.
Përmes një postimi, Musliu-Shoshi bëri të ditur se strategjia është e domosdoshme për të siguruar koordinim dhe veprim të mirëfilltë institucional lidhur me çështjen e Hagës.
Ajo përmendi si përparësi kryesore të Komisionit anëtarësimin e Kosovës në Këshillin e Evropës, integrimin evropian dhe forcimin e marrëdhënieve me aleatët strategjikë.