Niko Peleshi, kryetar i Kuvendit, foli sot në mbledhjen e grupit parlamentar të Partisë Socialiste për avancimin e Shqipërisë drejt Bashkimit Europian dhe sfidat parlamentare për Shqipërinë e vitit 2030.
Ai theksoi se Shqipëria ka shënuar ritmin më të shpejtë të avancimit drejt BE-së, si në hapjen e negociatave ashtu edhe në përmbushjen e detyrimeve teknike e institucionale. Në 17 nëntor përfundoi hapja e negociatave, ndërsa objektivi tani është mbyllja e tyre deri në vitin 2027.
Peleshi e cilësoi këtë objektiv si ambicioz dhe të vështirë për t'u realizuar, të papërkrahasueshëm me ndonjë vend tjetër. Ai sqaroi se data nuk është premtim elektoral, por dakordësim me institucionet e BE-së, çka jep optimizëm.
Ndërkohë, Parlamenti shqiptar synon të shërbejë si model për standardin etik dhe kulturën parlamentare në nivelin e vendeve të BE-së. Evropa ka qenë fokusi i sesionit të kaluar, ku u ngritën standardet për anëtarësimin në "klubin" evropian.