Përpos rritjes së përshkallëzuar, pensionet në Shqipëri do të indeksohen me 2.2% në gusht 2026. Kjo masë synon që vlera reale e pensioneve të mos gërryhet nga rritja e çmimeve të mallrave dhe shërbimeve.
Eksperti Kujtim Hoxha deklaron se për indeksimin e pensioneve duhet të merren më shumë parasysh mallrat dhe shërbimet që konsumojnë pensionistët, ndryshe nga popullsia e përgjithshme. Ai vuri në dukje se pensionistët penalizohen kur dalin në treg, sepse ritmi i indeksimit nuk përputhet me rritjen reale të çmimeve.
Sipas Kujtim Hoxha, indeksimi bazohet në inflacionin mesatar të një viti më parë dhe jo në ndryshimet mujore të çmimeve, pavarësisht statistikave të INSTAT-it. Kjo çon në tkurrjen e fuqisë blerëse të pensionistëve. Megjithatë, zbatimi kërkon pritje rreth gjashtë muajsh, kohë gjatë së cilës çmimet vazhdojnë të rriten.
Të dhënat e Institutit të Statistikave tregojnë se rritjen më të lartë kanë shënuar çmimet e ushqimeve dhe pijeve joalkoolike, zëra me peshë vendimtare në shportën e konsumit të moshës së tretë. Kjo ka vështirësuar jetën e pensionistëve, veçanërisht atyre në qytete.