Një autobus pasagjerësh u përmbys këtë të diel në Turqi, në aksin rrugor Malatya–Adıyaman.
Aksidenti ndodhi në zonën Doğanşehir-Sürgü, një segment i njohur për kthesat e vështira.
Sipas informacioneve paraprake, katër persona kanë humbur jetën, ndërsa rreth 15 të tjerë kanë mbetur të plagosur. Gjendja e disa prej të plagosurve është e rëndë.
Autoritetet lokale kanë mbërritur në vendngjarje dhe po vijojnë hetimet për të përcaktuar shkaqet. Disa raporte përmendin daljen e mjetit nga rruga për shkak të humbjes së kontrollit të drejtuesit ose sipërfaqes rrëshqitshme të rrugës.