Të paktën 12 persona u plagosën si pasojë e përmbytjeve të shkaktuara nga shirat e rrëmbyeshëm në provincën veriore Samsun, në bregdetin e Detit të Zi të Turqisë. Ngjarja ndodhi mbrëmja e së dielës.
Sipas agjencisë shtetërore turke Anadolu, reshjet intensive bënë që përrenjtë të dalin nga shtrati. Uji përmbyti shtëpi, biznese dhe rrugë, ndërsa disa automjete u rrëmbyen nga rrjedha. Ekipet e emergjencës po kryejnë pastrimin e baltës dhe mbeturinave në zonat e prekura.
Autoritetet lokale njoftuan se 12 persona u dërguan në spital me lëndime të lehta. Për shkak të situatës, shkollat në distriktin Havza u mbyllën të hënën.
Guvernatori i Samsunit, Orhan Tavli, deklaroi se katër lagje u përmbytën brenda vetëm 10 minutash pas reshjeve intensive.