Kryetari i Prishtinës, Përparim Rama, ka komentuar zhvillimet e fundit brenda Lidhjes Demokratike të Kosovës (LDK), duke vënë theksin te domosdoshmëria e bashkëpunimit brenda këtij subjekti politik. Në prononcimet për mediat, Rama vlerësoi se LDK-ja duhet të mbetet e bashkuar për të mirën e vendit.
Sipas Ramës, debati brenda partisë nuk duhet të përqendrohet te emrat apo individët e përveçëm, por te sfidat më të gjera që përballon Kosova. Ai shtoi se prioritetet e subjektit duhet të jenë ruajtja e demokracisë dhe lufta kundër tendencave autokratike.
"LDK ka qenë bashkë, është bashkë dhe duhet të vazhdojë të jetë e tillë. Kjo nuk është çështje për një person, as për mua e as për dikë tjetër, por për të ardhmen e vendit tonë, për të mbrojtur demokracinë dhe për të luftuar autokracinë", u shpreh Rama. I pyetur për pozicionin e tij politik, ai konfirmoi se është pjesë e kësaj force politike.