Kryetari i Prishtinës, Përparim Rama, u takua të martën, më 24 mars 2026, me ministrin e Sportit dhe Rinisë, Blerim Gashani. Takimi u zhvillua për të koordinuar bashkëpunimin institucional rreth organizimit të Lojërave Mesdhetare Prishtina 2030.
Në një postim në Facebook, Rama shkroi se bashkëpunimi institucional është kyç për suksesin e këtyre lojërave. Ai shpjegoi se takimi shërbeu për të diskutuar hapat e radhës dhe për të siguruar që përgatitjet të ecin me ritmin dhe seriozitetin e nevojshëm për një ngjarje të këtij niveli.
"Bashkëpunimi institucional është kyç për suksesin e Lojërave Mesdhetare Prishtina 2030. Sot u takova me Ministrin e Sportit dhe Rinisë, Blerim Gashani, për të koordinuar hapat e radhës dhe për të siguruar që përgatitjet të ecin me ritmin dhe seriozitetin që kërkon një ngjarje e këtij niveli. Po punojmë që të jemi plotësisht të përgatitur për këtë moment të rëndësishëm ndërkombëtar. Vazhdojmë.", përfundoi Rama.